Tgk Banta A. Farida

          Tgk  Banta A. Farida (lahir l929) dikenal sebagai penyair yang banyak menulis puisi bertema ke Tuhanan. Untuk mengungkapkan  isi hatinya  kedalam syair religius merupakan jalan yang lurus  bagi­nya. Karena ia mempunyai latar belakang pendidikan agama Islam di pesantren. Bahkan setelah selesai pendidikan ia pun menjadi  guru ngaji  di berbagai tempat. Perihal mengekspresi pengalaman  diri lewat  seni  sastra bagi Banta tak hanya terbatas  pada  menulis puisi, tapi juga mencipta irama lagu serta membawakannya  gubahan itu  sekaligus.  Cara menampilkan kesenian seperti  itu  didaerah Banta,  yakni Gayo, Aceh Tengah disebut Sya’er.  

             Kesenian  tradisional  Sya’er yang   digemari  masyarakat Gayo,  memang mempunyai ciri yang khas yakni, memberikan  hiburan dan  pendidikan  serta nasihat khususnya  tentang  agama  Islam.

Sebuah puisinya berjudul ‘Munubah Nasib’ (Merobah Nasib) berceri­ta  tentang bagaimana sebenarnya manusia harus merobah  nasibnya. Merubah  nasib  kata Banta, dalam puisinya  itu  bukanlah  Allah, tetapi  atas  usaha sendiri. Walaupun demikian  garisnya  telah ditentukan Allah, usaha mengerjakan untuk mencapaiannya terletak pada diri manusia itu sendiri. Berikut ini petikan puisi ‘Merobah Nabib’, (terjemahan),

 

             inilah suatu ayat di dalam Quran

             berkata Tuhan menceritakan nasib manusia

             maksud ayat dengar kutafsir

             semoga jelas begitulah kira-kira

             merobah nasib kita bukan Allah

             tapi terserah kepada kita para hamba

             taklah berobah nasib suatu kaum

             bila tak berkumpul-kampul kamu di dunia

             tapi garisnya sudah diperlihatkan Tuhan

             cara pelaksanaannya terserah kita
             wahai saudaraku kaum Islam

             coba kita faham firman Tuhan

             Puisi ‘Merobah Nasib’ terdiri dari l6 bait. Pada bait-bait berikutnya  penyair mengemukakan cara merobah nasib itu  sendiri. Misalnya  bagi orang tak berilmu cari ilmu. Juga  bagi  pedagang, jang  sibuk  mengurus jual beli saja. Tapi ingat  nasib  tetangga sekitar.

             Di dalam puisi ‘Penyakit Masyarakat’, Banta  mengedepankan sejumlah  penyakit masyarakat. Menurut penyair ada lima  penyakit masyarakat  yakni, berjudi, mencuri, minum arak, pergaulan  bebas dan  malas.  Puisi yang berisi nasihat ini terdiri dari  8  bait. Berikut ini petikannya, (terjemahan),

 

            coba dengar wahai umat Muhammad

            penyakit masyarakat yang telah nyata

            penyakit masyarakat yang lebih besar

            telah terkumpul lima perkara

            yang pertama melakukan judi

            kalau dipikir banyak bahaya

            bahaya judi dengan kuceritakan

            segala susah segala sukar

            kain di badan lepas sudah

            dengan isteri selalu ribut

            yang kedua yang tak sesuai

            pekerjaan mencuri jangan lakukan

 

           Penyair  Banta dari grup ‘Sya’er Bebesen’ dalam  melakukan kesenian Sya’er sering berhadapan dengan penyair Tgk  Abdurrahman Daudy  dari grup ‘Sya’er Kebayakan’. Ini terjadi  di  tahun-tahun  50-an. Seni sya’er yang depertandingkan seperti itu memang sering mewakili  kampung.  Pada tahun 50-an itu  jugalah penyair  Banta sering  bertanding dengan penyair Tgk Genincis dari grup  ’Sya’er Kutelintang.  Seni Sya’er yang kebangkitannya di  dataran  tinggi Gayo, Aceh Tengah dipelopori Tgk Yahya bin Rasyid dan Tgk  Abdur­rahim Daudy itu mencapai masa keemasannya  pada  tahun  l950-An itulah.

           Seperti  sejumlah penyair Seni Sya’er lainnya,  Banta  pun ada  menulis  puisi  yang bertema hari  kemudian,  hari  akhirat. Didalam puisi ‘Tene Kiamat’ (Tanda Kiamat), Banta menulis,  peti­kannya, (terjemahan),

 

              o, hamba Allah janganlah ribut

              ingin kusampaikan tanda kiamat

              tanda kiamat dengar kubahas

              semoga jelas o, umat Muhammad

 

 

 

              tanda kiamat terbagi-bagi

              yang telah nyata terbagi empat

              yang pertama diambil Tuhan

              dari seluruhnya itulah berkat

 

              umur manusia semakin singkat

              lagi pula ibadat semakin kurang

              yang kedua tak lagi setia

              orang seibu sebapa tak lagi sejalan

 

              Bagaimana cara bergaul itu juga mendapat perhatian penyair Banta.  Puisi-puisi  berisi pendidikan dan nasihat  itu  misalnya terdapat  dalam  syair ‘Bergaul’. Tema syair yang  umum  terdapat dalam puisi keagamaan adalah cerita-cerita Nabi. Penyair Banta A. Farida ada juga menulis puisi yang berkisah tentang perikehidupan Nabi.  Banta  memilih  cerita  Nabi Ayyub  dan menuliskan  dalam bahasa  yang  sederhana melalaui puisinya  berjudul  ’Kisah  Nabi Ayyub’.  Puisi  ini terdiri dari 24 bait. Pada  bait  ke-2  Banta menulis, (terjemahan), ‘kisah Nabi Ayyub yang kuat beriman/diber­ikan Tuhan hidupnya kaya raya/suami isteri rukun dan tenteram/apa yang diminta semua ada’.

Didalam buku bunga rampai ini dimuat karya-karyanya. 

                     Kisah Nabi Ayyub

                     Pemimpin

                     Laki Isteri

                     Kebenaran

                     Merebut Hak

                     Merubah Nasib

                     Adu Domba

                     Penyakit Masyarakat

                     Tene Kimat

                     Bergaul

 

 

 

 

Tgk Banta A. Farida

 

Kisah Nabi Ayyub

 

Ini kuseder sara kekeberen

Buge kin teleden ku bewenne rata

Lebih-lebih ilen ku kaum ibu

Si enguk kin tiru selama masa

 

Kekeber ni ayyub si kuet berimen

Nge I osah tuhen ninse kaya raya

Laki istri nge bersenang ate

Sana si cintee bewenne ara

 

Hartae dele nge tenyen bertenyen

Si enguk iperenen olok terhola

I sara masa tekedir ni tuhen

We jatuh sakiten gere terperin nyanya

 

Sakiten ayyub si benare beret

Ngih terboboh uet ne lagu biasa

Tujuh tahun suntuk i wan sakiten

Tekedirni tuhen we jatuh sengsara

 

Banan ni ayyub nge dabuh berfikir

Si karna nge fakir nge turah berusaha

Banan ni ayyub si benare seber

Nyanya ururm suker bewenne rela

 

Renyel we beluh mungenal nepekah

Beluh tung upah ku jema sikaya

Tentang ni buete gerene tercari

Ara kin kuli penyapuni jema

 

Ara kin tukang sabun ara kin tukang dubi

Asal demu gaji peluah ni nyanya

I sara masa atewe keliru

Buet gere demu peng pe gere ara

 

Mungenali buet lao pe nge iyo

Male berbelenye ngih sanah pe ara

I yone termenung ulu e petungkuk

Munguntingen wauk I juel ne ku jema

 

 

Regeni wauk ibeline ku barang

Renyel mamang-mamang I belinne poa

Lao pe nge iyo ulak ku umahe

Sawah ku umah pe kona bengis pora

 

Seulah bengis si rawan mungune

Kin sana kati ulak berito ari kota

I yone si banan bacar ulak berperi

Aku serloni olok pedi nyanya

 

Mungenal buet gere ara mudemu

Sehingge wauku kujuel ku jema

Sesire bercerak I lekoh ne tudung

Ulue nge gupung wauk gere ara

 

I sone ayyub nge dabuh mongot

Atewe gere ongot kekire gerene jenta

Munengon si banan atewe sayang

Renyel semiang ku Tuhen bwerdoa

 

Doani ayyub I kabulni tuhen

Bergembali mien we lagu biasa

Bedenne sehat penyakit pe jeger

Nge seger buger mien kaya-raya

 

Kekebeni Ayyub betala ringkese

Nyanya temase nge emeh I rasa

Lebih si banan bersusah diri

Tape gere ku kali wae musangka

 

Ke jema besilo ke kite baningen

 Olok berlainen ari masa pudaha

Ke jema besilo imenne tipis

Pora kona bengis gerene rela

 

Sipet penyeber olok pedi kurang

Pora I gerantang ku kali musangka

Sawah ku kali beweh I uke e

Si gere ara pe I perinne nge ara

 

Cacat ni si rawan nge meh mujemur

Nge lagu si atur titik berkoma

Salah si rawan ara sejengkal salah

Renyel I tetamah menjadi seneta

 

 

Jeroh ni sirawan gerene teridah

Ke dirie salah gerene nyata

Padahal si rawan erep penejerne

Renyel iperenne peri benasa

 

Padahal si rawan orop I acue

Renyel iperenne nge hampir kunyawa

Banan si beta iperin nabinte

Akhirat dunie mendapat celaka

 

Wo kaum ibu gelah seber ate

Si lebih kurangnge I seberen pora

Enti karna kaum ibu nge berseber ate

Dabuh kite rawan pe kase tingang ora

 

Padahal jema rawan kire kin pemimpin

Wajib menjamin iwan rumah tangga

Bugelah gati bersitiron izin

Bersimat jarin setiep masa

 

Kite jema rawan turah tanggung jeweb

Enti tangkap arap udah timul dawa

Ike nge dawa menurut biasae

Si gele rejekinte pe dabuh musangka

 

Ke kite tukang dewe ke akhir kemudienne

Ku anak tepe kase mujadi pusaka

Si kite buetten bewenne we pane

Akhir kemudienne we mujadi celaka

 

Cukup kin ibarat we lagu nini

Bu kite pikiri urum jantung rasa

Kenesal mulo ara ke untungen

Kemelas puren kase mujadi hampa.

 

 

 

 

 

 

 

 

                        Tgk Banta A. Farida

 

 

PEMIMPIN

 

1. ini mulo laing wo kaum biak

Cube kite simnak wo rakan sebet

Kati buge-buge mujadi cermin kolak

Nabi bercerak munosah inget-inget

 

2. ku sesara jema menjadi pemempin

Si mungemudin sesara buet

Jema kin lu harus we campin

Kati terjamin hukum dan edet

 

3. Turah berakal jema kin ulu

Nan berilmu serta ibedet

Jujur benar oyape perlu

Kati selalu enti mukiet

 

4. Bercerak tertip berperi manis

    Sipet pebengis enti mulibet

Kaya urum miskin I panang dais

Menurut hadis beta tersuret

 

5. ku pepatah jemen enguk bertirun  

    Si nge tersusun berebet-ebet

Bercerak sopan berlaing santun

Berperi berabun remalan bertungket

 

6. Jema kin pemimpin iatan dunie

Remalan termulo munemah ewet

Kin rakyat jelata turah setie

We tempat menye taonte kejet.

 

7. sediken jeroh reje ulama

Sana si cita nge terang depet

Apabile salah jema si roa

Ke rakyat jelata memakin jejel

 

8. kesimpulni peri turah sepapah

Mujujung nemah si ringen beret

Ke siken beluh oya kin selpah

Kesiken betengkah oya kin jimet.

 

 

 

Tgk Banta A. Farida

 

LAKI ISTRI 

 

I wan Qur’an berfirman Tuhen

Munyeder pergaulen suami istri

Se sengkiren jeroh ko rawan banan

I ukenen tuhen pintu rejeki

 

Urum-urum berimen roane ku Tuhen

Serta bersitunungen baring sana peri

Selama murip tetap gembira

Musara perasa bersatu hati

 

Gere dewe-dewe baring sana buet

Sekalipun beret ringen penadi

Gerene pait rasa ni ungke

Kesiken ate nge musarateni

 

Sekalipun jarak serasa dekat

Ke nge bulet pakat urum suami

Enti tikik cerak dabuh berdewe

Renyel berkekire munetusen tali

 

Si lebih kurange gelah bersiseberen

Gelah bersirasan ku jantung hati

Ku kebuet jeroh gelah sepapah

Ke kubuet salah tetair I tegahi

 

Jema si beta geh kene tuhente

Akhirat dunie tetap terpuji

Ku jema oya nge I janyin tuhen

Sedie belesen ku serge sejati

 

Keta suderengku enti kite lupen

gelah bersi ingeten sesabe diri

ku kite heme oya kin teleden

enti sampe lupen kati enti rugi

 

 

 

 

 

 

 

 

Tgk Banta A. Farida

 

KEBENARAN

 

Wo suderengku terime ko kebenaran

Baring ari sahan enti bebarang lintang

Selama kebenaran tetair I terime

Enti ko berdewe urum munyungang

 

Asal kebenaran bier ari kekanak

Bier ari budak turah kite panang

Selama kebenaran bier ari kapir

Enti ko tetair ko perperi gasang

 

Kemakin ari ulama enti kite esyak

Ibarat lao porak dunie terang

Ke kubuet salah enti kite tiru

Sekalipun tengku si kaul jembulang

 

Bier ari ulama si enge musehur

Harus kite ukur urum pikiren tenang

Bier pemimpin si mukerak kuning

Turah kite saring mulo terang-terang

 

Turah kite pikiri urum alus-alus

Enti terjerumus ku wani jurang

Guneni mata untuk kin penerah

Jinak urum juah ibarat ni binatang

 

Guneni kemiring untuk kin penenge

Guneni ate untuk kin penimang

Kati enti kite mantong begelep

Aman pegegedep I wan awang-awang

 

I sonela kite ibarat wan ayun

Mantong bertirun ku datu munyang

Wo suderengku wajib kite berubah

Ari jelen salah ku dene menang. `

 

 

 

 

 

 

 

Tgk Banta A. Farida

 

MEREBUT HAK

 

Telah berkata nabi muhammad

Ku atas ummet bewenne rata

Ku atas jema si murebut hak

Bier sedemak atawa seneta

 

Lebih-lebih ilen kubapak tani

Si mungalami roa perkara

Pertama berempus kedue berume

Setiep lao tempat berusaha

 

Ara teba sipet ni jema berempus

Watas nge lurus uwit pora

Nanpe mien I suen awal

Kati mugerampal

Ku wan empus ni jema

 

Betawa mien ku jema berume

I jaman besilo olok nge terhola

Si berume paluh munerlis patal

Si baur munanpal setiep masa

 

Kene sebepe kati kuterlis

Kati municis pamanang ni jema

Pedahal maksute kati mulues

Ta Itaos kies kerna sana-sana

 

Ku jema oya tuhen mulaknat

Dunie akhirat I wan sengsara

Barang si rebut ku rongok I gantung

Kin gantini kalung imelni cemara

 

Barang si rebut barang seribu kilo beret

Gere terboboh uet galip aduhma

Beta belesen ari tuhen Allah

Gere terelah nge pas le beta

 

Wo suderengku gelah inget-inget

Lagu noya buet gere kin kona

Ke kenak lues beluh murukah

Beluh berminah baring isi ara

 

Enti tanohni jema we si rebut

Lagu ukur ni sesut I wan ume paya

Ike berkenan kin emas pirak

Ike bergalak kin deleni hareta

 

Ikecalan eking egerni kampak

So uten kolak dele tanoh rata

Gelah ipoh roh kekenak memas

Ke maksut temas tetah usaha

 

Apalagi jema murukah

Kenak dapat seje barang si nge ara

Merebut hak gere bang kemelpe

Lagu mendapatni gule I wan belanga

 

Ke kenak senang imaksud sudere

Kunehtu ni kite kunehtu ni jema

Akal kin pangkal kekire kin belenye

Amanat ni tetue ari dahulu kala

 

Mien ku peringet keta sarami

Si palis penadi bu enti kona

Penyakit malas si paling keji

Kuneh lo hari tetap wan nyanya

 

Keta suderengku rata bewenne

Kin inget nate ku kite rata

Lang sewai kite mucere

Kin inget nate setiep masa

 

 

 

 

 

 

 

 

 

 

 

 

 

 

 

 

 

 

Tgk Banta A. Farida

 

MUNUBAH NASIP

 

Ini sara ayat I wani Qur’an

Bercerak tuhen munyeder nasipte

Maksud ni ayat pengen kubahas

Buge kati jelas beta kire-kire

 

Munubah nasip nume le Allah

Tape terserah ku kite heme

Gerela mubah nasip ni sesara kaum

Ke gere murum-murum kao I dunie

 

Cume garis besare I turuhen tuhen

Carani berbueten terserah ku kite

Wo suderengku kaum islam

Cube kite pahami cerakni Tuhente

 

Cara munubah cube I pikiri

Baik kaum tani atawa sedeger kute

Munubah nasip uet kite renyel

Kati enti munyesal akhere langso

 

Sediken kite gere berilmu

Ikenal gur taon te mungune

Enti ara kite rasa renah diri

Selo kin mujadi tubuh nge tue

 

Ketue pe tubuh teku hemat-hemat

Ketape semangat mantong ilen mude

Beta kire-kire I wani ate

Enti kite lale kelem porak lao

 

Kati enti ku kite kona

Gegetek ni jema lagu taruk rebe

Sedemikian ni jema sudeger

Si nge mulo pinter lagu laing sine

 

Gelah ipikiri nasipni urang kampung

Kune kati beruntung urum berlebe

Enti ko lale I wan juel beli

Erep temas diri urum korong tuke

 

Ke kite lale nge terang taring

Sone bangsa asing munyekek rongokte

Sedemikian sesara pemimpin

Ke ijer pelin selo mumede

 

Ke nge iejer renyel isusun

Kati tair  bangun sana si cinte

I susun rakyat gelah sunguh nate

Kati tercape sana maksudte

 

Enti kite kona pemimpin muteger

Pane munyeder munatur benge

Oya nge dais urum sara dokjter

Penyakit I seder I uaki gere

 

Sebalik ke mien nikite rakyat

Lemah pong pakat enti berdewe

Ara jema sesara sifet

Lemah pong ewet galip pelelene

 

Ke ku jalan jeroh pemimpin mu nemah

I tunung turah wo sudere

Kati berubah bang nasipte ni

Enti lagu nini seumur hidupte

 

Kin pemimpin jujur perlu kite taat

Kati selamat akhirat denie

Ike murum ari buletni pakat

Jarang di sesat menurut si nge munge

 

Betawa mien ku kite rakyat

Genap mupakat gerene cupe

Sediken salah jema si mupangkat

Iosah nasehat kadang-kadang lupe

 

Tetue jemen ara bermandah

Selaku pepatah ari sedenge

Jeruh bertunung salah bertegah

Benar berpapah baru mulie

 

 

 

 

 

 

 

 

 

 

Tgk Banta A. Farida

 

ADU DOMBA

 

Rata kemana bersusun bahu

Wo sudengku bewenne heme Allah

Buge-buge arini kukuduk

Enti kite saruk ku jelen salah

 

Suntuk terjadi I wan negerinte

Jema sara ine berupet pitenah

Sarat pertama jalu kuen kiri

Sampe terjadi bekerat umah

 

Sarat ke due sikerna harta

Si kerna pusaka pe turah

Kenge perkara beta terannge

I sone muloe syetan menjajah

 

Sipetni syetan pengen ku sederen

Katak bolonen engeng mangan uah

Urum si perkara ndemu lah ni dene

Mungiserni salakke lagu lagu si juah

 

Urum sudere jarak nge dabuh dekat

Baring sana pakat ku sone I osah

Urum sudere jarak nge taik turun

Urum sudere kurun gerene ramah

 

Padahal si perkara cumen sara pake

Si sara dapurpe ikut bersalah

Perempat ni denem I wan niate

Munosah meme munganung nanah

 

Ike beribedet pe nge sie-sie

Murugin hartante bier bersedekah

Nguk berdenem tulu lao tepat

Terlao si opat berdame turah

 

Ike ilebihi ari tulu lao wa

Sao neraka ganti ni jannah

Kesimpulni harta imenen daki

Urum pamili gelah sepapah

 

 

Tgk Banta A. Farida

 

PENYAKIT MASYARAKAT

 

Cube I penge wo umet muhammad

Penyakit masyarakat singe lilla nyata

Penyakit masyarakat si terlebih kaul

Enge terkumpul lime perkara

 

Yang pertama ku buet judi

Kekite pikiri dele pede mara

Mara ni judi pengen kuseder

Meh segele suker meh segele nyanya

 

Ke upah ari beden meh terpari

Urum istri suntuk berdawa

Yang kedue si gere olok tu eruh

Ku buet usuh kire enti kona

 

Yang ketige si minum arak

Serta urum tuak si larang  agama

Baring sahan si munum arak

Beden ne rusak utak binasa

 

Penyakit mude buge kati jelas

Pergaulan bebas gere mupensa

Ibarat ume ke gere berpatal

Panjang dan lebar tidak  mengapa

 

Yang kelime si sayap tu kepas

Penyakit malas bu enti kona

Sipetni malas delenen omong

Lagu tem kosong si gere ara

 

Udah suntuk serlo engingne enge bercerak

Berilang-ilang salak berboro mata

Ike bercerak lagu si muyet

Ikini bebuet galip aduh ma

 

 

 

 

 

 

 

 

 

 

Tgk Banta A. Farida

 

TENE KIAMAT

 

O heme Allah enti mulo inger

Male ku seder tene kiamat

Tene kiamat pengen kubahas

Buge kati jelas wo ummet muhammad

 

Tene kiamat mupensa-pensa

Si telah nyata terbagi opat

Yang pertama iuten Tuhen

Ari sekalian oya le berkat

 

Umur ni manusie semakin singket

Nan pe ibedet semakin jengkat

Yang kedue gerene setie

Jema sara ine gere ne rapat

 

Kemekin sara kampung gerene mukumpul
sedangkan sara dapur gerene sepakat

Apalagi sara dapur ennguk kite kudi

Ate se urang diri gerene teramat

 

Sedang harta ni tuhen enguk kite prin

Pakir urum miskin gerene depet

Harta ni tuhen si ennguk kite erah

Jakat pitrah oya ibarat

 

Yang empat ilmu makin kurang

Peraturan semakin hangat

Kati perin kurang gerene iamal

Orop iapal-apal hadis urum ayat

 

Jep-jep simpang dene enge munaos umah

Kati enti kalah I wan masyarakat

Kule urum kude gerene bersikunahan

Enge berkawan secara rapat

 

 

 

 

 

 

 

Tgk Banta A. Farida

 

BERGAUL

 

Sara perintah ari nabi muhammad

Jelen selamat secara bergaul

Berperange jeroh urum manusie

Ari murip te sawah mehmi umur

 

Sediken bercerak enti ko sergak

Ike berperi entiko takabur

Bertutur sapa berbudi pekerti

Manis berperi jeroh bertutur

 

Rom sudere tetap setie

Ari dunie sawah kukobur

Sesapapah sepupu sebegi seperange

Urum jema dele bu gelah akur

 

Bertingkah laku kati terbilang

Ku hadis itimang ku pirman iukur

Remalan bertungket berperi berabun

Bersopan santun gelah teratur

 

Sediken peri enti ko jengkat

I wan masyarakat barat dan timur

Ike berperi entiko berlaku kasar

Sipet sekakar akhire ku hancur

 

Ara sara seba sipet siterlebih keji

Munatasan diri gere we sukur

Bercerak sombong sipet tinggi hati

Urum jejari  munyipet baur

 

Lagu singerata dunie I panange

Menurut perasanne we paling musehur

Ike jujur menurut sibenare

Gere keliling pe ilen segi ni dapur

 

Bercerak sombong si tinggi hati

Penane diri gere kite ukur

Lagu tong kosong si gere berisi

Betake repa e kulit ni tamur .